អ្នកស្ម័គ្រចិត្តទទួលវគ្គបណ្ដុះបណ្តាលអំពីវិជ្ជាសង្គ្រោះបឋម សហគមន៍មានសុខភាពល្អ មានភាពធន់និងអាកាសធាតុ

(កំពង់ធំ)៖ នៅថ្ងៃទី០៤ ខែមិថុនា  ឆ្នាំ២០២៥ សាខាកាកបាទក្រហមកម្ពុជា ខេត្តកំពង់ធំ សហការជាមួយអនុសាខាកាកបាទក្រហមកម្ពុជាស្រុកកំពង់ស្វាយ  បានរៀបចំបេីកវគ្គបណ្ដុះបណ្ដាលអំពី ប្រវត្តិចលនាកាកបាទក្រហម  អឌ្ឍចន្ឌក្រហម  គោលការគ្រឹះ វិជ្ជាសង្គ្រោះបឋម សហគមន៍មានសុខភាពល្អ មានភាពធននិងអាកាសធាតុ ដោយបានការអញ្ជេីញចូលរួមជាអធិបតីភាពពីលោក ដួង ចន្ទតារា អភិបាលរងស្រុកកំពង់ស្វាយ លោកស្រី ឡេង សុឃីម នាយិការងសាខា លោក លោកស្រី មន្ត្រីក្រុមប្រត្តិបត្តិ មន្ត្រីអនុសាខា  អ្នកស្ម័គ្រចិត្តឃុំ អ្នកស្ម័គ្រចិត្តភូមិសរុបចំនួន៤៣នាក់ (ស្រី១២ នាក់)។

លោកស្រី ឡេង សុឃីម នាយិការងសាខាបានលើកឡើងថាការបើកវគ្គបណ្ដុះបណ្ដាលនេះក្នុងគោលបំណង  ដើម្បីឱ្យអ្នកស្ម័គ្រចិត្តបានយល់ដឹងអំពីប្រវត្តិចលនាកាកបាទក្រហម អឌ្ឍចន្ទក្រហម វិជ្ជាសង្គ្រោះបឋម ធ្វើឱ្យសហគមន៍មានសុខភាពល្អ មានភាពធននិងអាកាសធាតុ ដើម្បីជួយសង្គ្រោះជនរងគ្រោះបានត្រឹមត្រូវតាមបច្ចេកទេស ហើយយកចំណេះដឹងថ្មីនេះទៅធ្វើការអប់រំផ្សព្វផ្សាយបន្តដល់បងប្អូន និងសហគមន៍រៀងៗខ្លួន។

នាឱកាសនោះលោក ឌួង ចន្ទដារ៉ា  បានពាំនាំមកនូវប្រសាសន៍ផ្តាំផ្ញើសាកសួរសុខទុក្ខពីសំណាក់ ឯកឧត្តម នួន ផារ័ត្ន ប្រធានគណៈកម្មាធិការសាខា  និងអំពីសំណាក់សម្តេចកិត្តិព្រឹទ្ធបណ្ឌិតប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ជូនចំពោះមន្ត្រីអនុសាខា និងអ្នកស្ម័គ្រចិត្តទាំងអស់ដោយក្តីនឹករឭកបំផុត និងថ្លែងអំណរគុណយ៉ាងជ្រាលជ្រៅចំពោះការលះបង់ពេលវេលាដ៏មានតម្លៃក្នុងការចូលរួមក្នុងបណ្ដុះបណ្ដាលនេះ។

សូមបញ្ជាក់ផងដែរថា សម្រាបប្រធានបទដែលយកមកបង្ហាញមានដូចជា÷ ប្រវត្តិចលនាកាកបាទក្រហម អឌ្ឍចន្ទក្រហមគោលការណ៍គ្រិះ សន្លប់បាត់បងស្មារតី(មានដង្ហើម) ការធ្វើ CPR (មនុស្សពេញវ័យ កុមារ ទារក) ស្លាក់ របួស ការឃាត់ឈាម ការបាក់ឆ្អឹង វិធានការការពារជំងឺមិនឆ្លងធំទាំង៤ប្រភេទ វិធីការពាររន្ទះ សុវត្ថិភាពចរាចរណ៍ផ្លូវគោកប្រកបដោយបរិយាប័ន្ន វិធានការការពារជំងឺគ្រុនឈាម។